Sukaldaritza - Eneko Atxa

Etxeko sukaldaritza, gisatuak eta bere erroak antzeman egiten dira plater bakoitzaren osaketan, testurak sortu eta produktua lantzeko oinarri gisa. Plateren indarra Enekoren DNAtik dator, bere jatorrietatik, zapore tradizionalaren benetakotasunetik, erroetatik. Zaporea goratu nahi du sukaldariak, “potentzia ber bi” definitzen duen horretan

Jatorria

Eneko Atxaren sukaldaritza ulertzeko sukaldaria nor den ulertu behar da, non jaio den, bere familia, lagunak, ingurua, bere kultura, bere hezkuntza, bere bidaiak, gustuak… horrek denak baldintzatzen du egiten duen sukaldaritza egitera, hori da bere jatorria.

Eneko Atxaren pasioa eta sentsibilitatea, bere erro kulturalak, inguruarekin eta bertako produktuekin duen lotura eta euskal errezeta tradizionalak izan dira, eta dira oraindik ere, bere sorkuntzetako bakoitzaren funtsa. Guzti hori plazera sortu, bikaintasuna lortu, balioa eragin, eta aberastasuna eta ezagutza partekatzeko saiakeran; labur esanda, esperientzia pertsonal bat sortu eta modu iraunkor eta jasangarrian hazten jarraitzeko.

Janaritegia

Enekok sasoiko produktuak erabiltzen ditu eta bere sukaldaritzan argi markatuak daude lau urtaroak. Neguak aukera ematen dio gisatuak edo saltsa lodiak sakonago lantzeko. Udazkenak perretxikoen eta ehizaren usaina dauka. Udaberria ilarren atariko sasoia da, perretxikoena… eta uda tomate, piper eta hegaluzearen aldia da.

Eneko Atxak etxean bertan dauka edozein erromesek bere bide luzean aurkitu nahi duen hori: itsasoa, lurra, mendia, eta jende ona.