Asteartea, 2021eko ekainaren 1a. Madrid Fusion-ek, IFEMAn bere 19. edizioa egiten ari den gastronomiaren nazioarteko hitzorduak, Aquanariarekin batera, Azurmendiri eman dio bere Jasangarritasunaren saria. Sari hau ematen den lehen aldia da, eta Nazio Batuen 2030eko Agendaren garapen iraunkorreko helburuak betetzeko konpromiso handiena duen gastronomiarekin lotutako proiektua ezagutaraztea du helburu. Gastronomia eta elikagaien sektoreko adituek osatu dute epaimahaia.
Eneko Atxarentzat, euskal kulturaren lurraldea eta herentzia, natur ingurunea, pertsonak eta gizartea, eta garapen jasangarriaren zutabeak, bere proiektuen oinarriak dira. Eraikina diseinatu, eragiketak eta proposamenak egin zituen printzipio horien arabera, eta horrek nazioarteko erreferentzia bihurtu du Azurmendi gastronomikoa.
Azurmendiren iraunkortasunagatiko sari hau aurretik lortutakoei gehitzen zaie, hala nola Michelin Gidak emandako Izar Berdea, Munduko Jatetxe jasangarriena bi aldiz The World’s 50 Best-en eskutik, edo Sol Jasangarria Repsol Gidaren eskutik.
